Nú verður leikskólinn lokaður í fjórar vikur og óskum við foreldrum og börnum gleðilegs sumarfrís og með ósk um ánægjulegar stundir.  Sjáumst hress og kát 9. ágúst.

Þá er sumarskólanum lokið hjá okkur á Heiðarborg en hann hefur verið starfandi í júní.  Tíminn hefur verið fljótur að líða við mörg og fjölbreytt verkefni.  Börnin hafa verið í skapandi starfi, hlutverkaleik, smíðum, vettvangsferðum og fleira.  Nú munum við taka því rólega fram að sumarfríi. 

Þann 20. ágúst verður starfsdagur á leikskólanum og því er leikskólinn lokaður.

Að lokum viljum við láta vita að ekki verður gefið lýsi í morgunmat fram að sumarfríi.  Tökum upp þann góða sið aftur í ágúst.

Leikskólinn Heiðarborg tók til starfa 1.júní 1990 og fagnar því 20 ára starfsafmæli.  Haldin var afmælis-og sumarhátíð16.júní með mikilli veislu.  Börn og starfsfólk fóru í sína árlegu 16.júní skrúðgöngu um hverfið.  Gengið var með íslenska fána og söngvar sungnir.  Klukkan hálf þrjú hófst svo afmælishátíðin með frumflutningi barnanna á "Heiðarborgarlagi" sem samið var í tilefni afmælisins.  Höfundur textans er Valgerður Ólafsdóttir, starfsmaður á Heiðarborg.  Frekar þungskýjað var um morguninn en svo fagur var söngur barnanna að sólin braut sér leið í gegnum skýin og fagnaði með börnum, foreldrum, starfsfólki og öðrum gestum.  Nutu allir veðurblíðunnar í garðinum og var boðið upp á andlitsmálun, sápukúlur og afmælisköku auk veitinga frá foreldrum.  Mikil gleði og ánægja einkenndi hátíðina og þökkum við kærlega öllum þeim sem komu og fögnuðu með okkur.

 Komnar eru myndir á myndasíðuna.